4 abokat, bitan zatituak
2 porru garbi, uretan egosiak, txiki-txiki eginda
2 koilarakada tomate saltsa
2 sagar, granny smith, zuritu gabe, garbiak, dadotan moztuak
Limoi erdiaren zukua
3 koilarakada maionesa
Ximiko bat piperrauts gozo
Perrexil xehatua

Kontu handiz, koilara batekin, mamia aterako diegu abokat erdiei, azala urratu gabe, gero bete egin behar baititugu. Abokataren mamia txikitu eta gopor batean gainerako osagaiekin nahasiko dugu: porru txikituak, tomatea, sagarrak, zukua, maionesa, piperrautsa eta perrexila. Gatzik behar ote duen probatu eta nahastura horrekin abokat hutsak beteko ditugu. Hozkailuan sartu, hoztu daitezen, eta zerbitzatu baino lehentxeago, oliba olio birjina bota gainetik, olio hari bat baizik ez.

Etiketak: Abokata

Istorio hau 2007 Azaroa 12 egunean 21:00-etan argitaratua eta BARATZEKOAK, LEKALEAK..., ENTSALADAK ataletan sailkatua izan zen. Istorio honi gehituriko iruzkinen jarraipena RSS 2.0 jarioaren bitartez egin. Nahi baduzu, iruzkin bat idatzi dezakezu edo zure webgunetik trackback egin istorio honi.