600 g azalore
Gurin hotza, dadotan, 280 g
Gatza

Eltze batean ur asko jarri, gatzarekin, sutan. Azaloreari hosto berdeak kendu eta zuztarra moztu. Adaxkak askatu eta urarekin garbituko ditugu. Pixka bat xukatu baina erabat lehortu gabe, eta ur irakinetan egos daitezela 15 minutuan. Mikrouhinen labean ere egin genezake, indar bete-betean, adaxka guztiak gopor batean sartuz. Goporra estali eta 10 minutuz izan mikrouhinen labean. Ur irakinetan edo labean, behar den denbora iraganik, labana txiki batekin, ziurtatu azalorea egosia ote dagoen, labana-ahoa aise sartzen den probatuz. Egosia baldin badago, ura kenduta, irabiagailu baten basora irauli. Bertara gehitu gurin dadoak eta gatz pixka bat eta bizi-bizi irabiatuko dugu, harik eta pure krematsu, fin eta goxoa lortzen dugun arte. Epeldu edo hozten bazaigu, mikrouhinen labean berotzea daukagu segundo batzuez.

Etiketak: Azalorea

Istorio hau 2007 Azaroa 12 egunean 21:00-etan argitaratua eta BARATZEKOAK, LEKALEAK... ataletan sailkatua izan zen. Istorio honi gehituriko iruzkinen jarraipena RSS 2.0 jarioaren bitartez egin. Nahi baduzu, iruzkin bat idatzi dezakezu edo zure webgunetik trackback egin istorio honi.