Baben lekak ireki eta barruko aleak bereiziko ditugu. Leka hutsak gorde eta urez garbituko ditugu. Babak bideratuko diren jakiak bustiko diren salda prestatzeko erabiliko ditugu lekak.
Ura irakiten jarriko dugu, gatz pixar batez, eta bor-bor hasi orduko sarraraziko ditugu babak. Ura berriro bor-bor hasi orduko irakinaraziko ditugu babak. Kontuan hartuko dugu haien neurria: 10 segundotan txiki-txikiak badira eta 5 minutuz perdigoiak bezain gogorrak badira. Xukatu eta ur izoztuan sartuko ditugu, gatz pixka batez, klorofilari eutsi eta berde-berde gera daitezen. Xukatu egingo ditugu ondoren. Prest edukiko ditugu orduan babak, maneatzeko, salteatzeko, entsalada batean barreiatzeko edo errezetaren arabera jokatzeko. Ez dute sutan luzeegi beharko, presta daudelako dagoeneko. Beroan maneatu behar badira, bukaeran erantsiko ditugu beti (menestra bat bada, bukaeran barreiatu; salteatu behar badira, olio frijitua sutatik atera orduko…).

Mokofin batzuek, presarik ez eta pazientzia badagoenean batez ere, zuritu egiten dituzte baba handi egosiak, azala kendu eta barruko ale berde xamurra baino ez jateko.

Etiketak: Baba

Istorio hau 2007 Azaroa 12 egunean 21:00-etan argitaratua eta BARATZEKOAK, LEKALEAK..., TEKNIKA KONTUA ataletan sailkatua izan zen. Istorio honi gehituriko iruzkinen jarraipena RSS 2.0 jarioaren bitartez egin. Nahi baduzu, iruzkin bat idatzi dezakezu edo zure webgunetik trackback egin istorio honi.