20 bieira eder eta garbi
Koilarakada bat oliba olio
Gurina, zati handi bat
2 limoiren zukua
Perrexila, txikitua
Irina eta gatza

Gatza emango diogu bieirei, bi aldeetan. Zartagin handi batean olioa eta gurina jarri eta su eztian jarriko dugu. Gurina apar zuri bat isurtzen hasten denean, utzi pixka batean, baina kontuz, ez dadila erre. Irinetan pasatuko ditugu ondoren bieirak, banan-banan, eta frijitzen jarri aurretik, leun astindu eta soberan duten irina kenduko diegu. Su eztian edukiko ditugu frijitzen, koipea erre ez dadin, horixe baita arrainei gainetik bota behar dieguna. 50 bat segundoren buruan, irauli eta beste aldetik edukiko ditugu beste 50 bat segundoan, egoki txigortzen ari direla eta gunea mamitsu dagoela ikusi arte. Bieirak egindakoan, erretilu batera erretiratuko ditugu eta limoi-zukua erantsiko diogu frijitzen erabilitako koipeari. Segundo batzuez edukiko dugu saltsa sutan murrizten, zukua loditu eta itxura hartu arte. Hondoa marruskatuko dugu ondoren, zartaginean gelditutako hondarra askatzeko. Gurina erantsiko dugu gero, mutur gutxi batzuk, eta, zartaginari eragin eta gero, perrexila erruz bota eta gatz pixka bat emango dugu. Zuku mamitsu honetaz garaztatuko ditugu bieira egin berriak.

Etiketak: Bieira

Istorio hau 2007 Azaroa 12 egunean 21:00-etan argitaratua eta ITSASKI ETA MOLUSKUAK ataletan sailkatua izan zen. Istorio honi gehituriko iruzkinen jarraipena RSS 2.0 jarioaren bitartez egin. Nahi baduzu, iruzkin bat idatzi dezakezu edo zure webgunetik trackback egin istorio honi.