5 arrautza
350 g azukre
150 g esnegain likido
Gatz pixar bat
270 g irin
Legamia-hautsa pixar bat
2 limoiren birrindura
100 g gurin urtu

Gopor batean, hagaxkez ongi joko ditugu arrautzak, azukrea, esnegaina eta gatz pixarra, krema zurixka eta lodia lortu arte. Orduan erantsiko ditugu, euri moduan, eta eragiteari utzi gabe pikorrik sor ez dadin, irina, legamia, limoi birrindura eta azkenean gurin urtua. Ongi nahasi, eta molde batean sartuko dugu orea, moldean gurina igurtzi eta irin pixar bat erantsi ondoan. Labean sartuko dugu ondoren, 180º-ko tenperaturan, 50 bat minutuan. Azala gorriegi jartzen ari dela ikusten badugu, estaliko dugu aluminio-paperez, gehiegi txigortu ez dadin.

Etiketak: Limoia

Istorio hau 2007 Azaroa 12 egunean 21:00-etan argitaratua eta POSTRE ETA GOZOKIAK ataletan sailkatua izan zen. Istorio honi gehituriko iruzkinen jarraipena RSS 2.0 jarioaren bitartez egin. Nahi baduzu, iruzkin bat idatzi dezakezu edo zure webgunetik trackback egin istorio honi.