Tomate heldu-helduak, 2 kg
3 tipula eder, txiki-txiki eginda
Oliba olioa
Azukre pixka bat
Gatza

Olioa jarri kazola batean eta bertan axaletik frijitu daitezela, 35 minutuz, tipulak, gatz pixka batekin. Denbora hori iraganik, azukrea gehitu, baita tomateak ere garbitu eta puskatan egin eta gero. Su motelean egos daitezela, pixkana-pixkana 2 orduz edo tomate saltsak ur gehiena lurrundu edo galdu duen arte. Gazitu eta, sobera garratz baldin badago, azukre pittin bat gehitu. Horrela utz genezake, naturala, edo pure-egitekotik pasatu finago geldi dadin, baina orduan berriz irakiten eduki beharko genuke lehengo kolore gorria hartzeko berriz.
(Eta ez ahaztu, tomate saltsa egiterakoan, badakigu denok lasterrago egingo dugula irabiagailuarekin, baina hobe pure-egitekoaz baliatzen bagara, ez baitugu galduko tomate saltsaren kolore gorria. Irabiagailuarekin laranja-kolorea izango du).

Etiketak: Tomatea

Istorio hau 2007 Azaroa 12 egunean 21:00-etan argitaratua eta SALTSA GAZIAK ataletan sailkatua izan zen. Istorio honi gehituriko iruzkinen jarraipena RSS 2.0 jarioaren bitartez egin. Nahi baduzu, iruzkin bat idatzi dezakezu edo zure webgunetik trackback egin istorio honi.