4 xapo solomo, hezurrik gabe, 200 g bakoitzak
2 baratxuri xister, pikatuak
5 koilarakada oliba olio
Ximiko bat irin
Perrexil xehatua
Litro laurdena arrain salda edo ur
Gatza

Olioa isuri eta su eztian jarriko dugu kazola zabal bat. Baratxuria erantsi eta, erre gabe betiere, “dantzan” hasi dela sumatu orduko gaineratuko dugu irina, pixar bat. Segundo batzuetan edukiko dugu eztitzen, kolorea hartzen utzi gabe. Arrain salda edo ura isuri eta minutu batean edukiko dugu guztia irakiten. Arrainari gatza eman eta saltsan ipiniko ditugu xapo solomoak. Su ezti-eztian edukiko dugu arraina 4 bat minutuan, kazolari hara eta hona leunkiro eraginez. Solomoak irauliko ditugu orduan, espatula batez baliatuta, eta beste bi minutuan edukiko dugu arraina gozatzen, kazolari eragin eta eragin.
Garrantzitsua da arraina su eztian berotzea eta kazola leun erabiltzea.
Perrexil xehatua hautseztatuko dugu gainetik. Kazola sutatik atera eta hara eta hona eraginez lodituko dugu saltsa. Gatz-puntua neurtu eta berehala zerbitza dezagun.

Etiketak: Xapoa

Istorio hau 2007 Azaroa 12 egunean 21:00-etan argitaratua eta ARRAINAK ataletan sailkatua izan zen. Istorio honi gehituriko iruzkinen jarraipena RSS 2.0 jarioaren bitartez egin. Nahi baduzu, iruzkin bat idatzi dezakezu edo zure webgunetik trackback egin istorio honi.