Sukaldean

Errezeta

Papera bitan zatitu behar bagenu bezala jokatuko dugu, baina egin gabe. Bi alde horietako bat gurinaz oparo igurtzi. Bananak zuritu eta gurinaren gainean utziko ditugu. Gero azukrea eta bainila leka par-par bota bananen gainera. Rona edo hautatu dugun pattarra ere botako diegu gainetik. Aluminiozko paper orria tolestu eta ertzak itxi, tolesdura eginez, gutun-azal bat bailitzan, ireki ez dakigun. Paper-papillotea labeko erretilu batean paratu eta labean sartu 40 minutuan egon dadin 200 graduan. Zerbitzatzeko, tentu handiz ireki papera, barrenetik aterako den lurrinarekin ez erretzearren. Fruta pixka bat epeldu denean, izozki goxo batekin edo jogurt greziar krematsuarekin batean zerbitzatuko dugu.