Sukaldean

Errezeta

Salda egiteko: Kazola batean, 2 koilarakada oliotan, su bizian eztituko ditugu azalak eta hezurrak, eta barazkiak gaineratuko ditugu ondoren, azenarioa, tipula porrua eta baratxuri bakarra, zuritua. Urez oparo estali, gatza eman eta 15 minutuan eduki dezagun guztia irakiten. Iragazi.

Marmitakoari segida emateko: Su eztian betiere, 4 koilarrakada oliotan gozatuko ditugu 5 minutuz piperrak eta tipulina, ongi pikatuak. Bigarren baratxuria, xehatu, erantsi eta biraka eragin guztiari. zuritu, pobreen moduan puskatu eta barazki hondo horretan edukiko ditugu minutu batzuetan gozatzen. Tomate saltsa erantsi eta beste minutu batzuk edukiko dugu guztia gozatzen. Ondoren, oparo estaliko dugu guztia aurrez egindako saldarekin. Gatza eman eta su eztian edukiko dugu kazola, patata puntuan eta xamur egon arte.

Bukatzeko, padera batean 2 koilarakada olio ipiniko dugu eta, ongi berotu ondoan, izokin dadoak salteatuko ditugu hartan. Bizkor egin behar da hau, arraina lehor ez dadin. Patata saldan irauliko dugu ondoren hegaluzea. Gatz puntua neurtu eta zuzendu ondoan, perrexila hautseztatuko dugu gainean. Berehala zerbitzatu behar da, lehortu egingo baita izokina berotasunean luzaro egonez gero.

Barazkiak sueztitzen ari garenean, mina ere erants diezaiokegu, pipermina esate baterako.