Sukaldean

Errezeta

Gutxienez bi txandatan egingo ditugu txuletak, egos ez daitezen. Su bizi-bizian. Xorta bat oliba olio isuri eta bi aldeetatik txigortuko ditugu txuletak kanpotik gorri eta barrutik mamitsu gera daitezen. Perrexila hautseztatuko dugu gainetik, atera baino lehentxeago. Gatza emango diegu, oparo.

Padera berean erantsiko ditugu, xukatu eta gero, limoi azalarekin ardotan beratzen edukitako aranak. Urritzen utziko ditugu segundo batzuetan. Aranak ia ihartu direnean erantsiko dugu esnegain urtua eta, gatz pixka bat eman ondoren, itxura krematsu horretan utziko ditugu aranak segundo batzuetan irakiten. Ez dute saldatsu gelditu behar, bordele koloreko krema arin bat erantsiko zaie. Haragi salteatuarekin zerbitzatuko ditugu aran hauek.