BRUSELATXOAK KREMAN
400 g bruselatxo
Tipulin bat, pikatua
2 baratxuri ale, xehatuak
4 koilarakada oliba olio
Gurina, pittin bat
Baso bete esne gain urtu
Gatza
Eltze batean ura jarriko dugu irakiten, gatz pixka batekin. Bruselatxoak garbitu eta bitan egingo ditugu ondoren, txikiak ez badira. Osorik utziko ditugu txikiak. Ura irakiten hasi orduko erantsiko ditugu azak eta 15/20 minutuan edukiko ditugu ondoren egosten, eltzea tapatu gabe. Xukatu eta berotasunean edukiko ditugu. Egosi diren kazola berean, olioa, gurina, tipulina eta baratxuria ipiniko ditugu. Su eztian gozatuko ditugu, 5 bat minutuan, gatz pixka bat erantsi eta gero. Esnegaina gaineratuko dugu ondoren eta murrizten utziko dugu guztia su gainean, loditzen hasia dela ikusi arte. Gure gogoko itxura sumatzen diogunean irauliko ditugu aza txikiak. Kazolan biraka erabili, berotu bitartean ongi busti daitezen eta gatza emango diegu ondoren. Mahairako prest izango dira orduan. Limoi tanta batzuk erantsi ahal izango ditugu, zaporea bizitzeko.
Etiketak: Bruselatxoa