ERREMOLATXA JOGURT SALTSAREKIN
Erremolatxa egosia, kilo bat
Jogurt natural bat
4 koilarakada esnegain likido
Limoi baten zukua
Baratxuri ale bat, xehatua
Oliba olio birjin, 8 koilarakada
Ziape aleak, zimiko bat
Gatza eta piperbeltza
Egositakoan azala kendu ondo, gainean izaten duen geruza fina baztertzeko, eta hostoen sustraien begi gogorrak ere kendu.
Dadotan zatitu edo xerra lodi samarretan. Saltsa prestatu. Katilu batean nahasi jogurta, hagaxka batekin etengabe eraginez eta gehitu esnegaina, limoi zukua, baratxuria, ziapea eta oliba olioa hari mehean. Saltsa horrekin gozatu erremolatxak eta fresko-fresko mahairatu, hozkailutik atera berritan.
Erremolatxa egosi ontziratuak erosi baditugu, metodoa ez da aldatzen, azala eta begiak kendu, eta gero gobernatu.
Etiketak: Erremolatxa