OZPIN-OLIOA BELARREKIN
Kakahuete olioa edo ekilore olioa, litro erdia
Oliba olio birjina, estra, litro erdia
Koilarakada bat perrexil, xehatua
Koilarakada bat albahaka fresko, xehatua
Koilarakada bat mingarratz fresko, xehatua
100 g sagardo-ozpin
100 g limoi zuku
Gatza eta piperbeltz beltza, eho berria
Irabiagailu baten ontzian ozpina, limoi ura, gatza eta piperbeltza jarri eta indar bete-betean nahasiko dugu. Eman ditzala bueltak segundo batzuetan, estalkia kendu eta orduan olioak gehituko ditugu. Beste buelta batzuk eta kitto. Orduan belar xehatuak gehituko ditugu, irabiatu gabe, besterik gabe pixka bat nahasiz. Ozpin-olioa kristalezko botiletan sartu eta prest ditugu entsalada bat maneatu behar dugun bakoitzean pixka bat eragin eta gero erabiltzeko.
Seguruena hobe da errezetan jarritako kantitatea baino gutxiago egitea, ozpin-olioan diren belarrak oxidatu eta itsuski ematen baitute denbora luzea pasatzen bada.
Etiketak: Belarra