Sukaldean

Errezeta

Olioa eta gurina jarri ondoren, su gainean jarriko dugu padera bat. Bero dagoenean sartuko ditugu usoak, errairik gabe eta garbi. Su eztian gorrituko ditugu alde guztietatik, koipe beroaz etengabe bustiz. Aurrez 200º-ko tenperaturan jarri dugun labean sartuko ditugu ondoren. 5 bat minutuan edukiko ditugu. Odoltsu eta mamitsu geratuko zaizkigu. Labetik atera eta aluminio-paperaz bilduko dugu ondoren. 10 minutuan edukiko dugu horrela, pausatzen, barruko zukua modu berdinean bana dadin paparretan.

Hezurgabetu egingo ditugu ondoren usoak: erretilu batean bereiziko ditugu paparrak eta izterrak. Gatza eta piperbeltza emango diegu ondoren. Usoak maneatu ditugun paderan berean eginiko olio-ozpinez onduko dugu eskarola eta uso pusken gainean ipiniko dugu ondoren. Olio-ozpina prestatzeko, paderaren hondoko zukua marruskatu eta hari erantsiko dizkiogu oliba olio birjina, Xerezko ozpina eta gatza.