Sukaldean

Errezeta

Bi aldeetatik emango diegu gatza bieirei. Olioa isuri eta su eztian jarriko dugu padera zabal bat. Koipea ongi berotu eta hartan gozatuko ditugu bieirak, bi aldeetatik txigortzen utzita. 50 bat segundoan edukiko ditugu alde bakoitzetik eta gunea mamitsu dagoela ikusi orduko aterako ditugu paderatik erretilu batera.

Gurina erantsiko diogu ondoren bieirak frijitu diren koipeari, eta limoi tanta batzuk eta perrexil ugari gero. Gatza eman eta zuku mamitsu honetaz garaztatuko ditugu bieira salteatu berriak.