Sukaldean

Errezeta

Mikrouhinetan aritzeko ontzi tapadun batean ipiniko ditugu gurina, tipulin pikatua eta gurina. Ongi nahasiko dugu guztia, koilara batez. Gatza eman eta tipulinaren eta koipearen gainean pausatuko ditugu legatz solomo izoztuak, gogorrak. Mikrouhinetan sartu eta indar betean maneatuko ditugu, tapaturik, 10 minutuan.

Haien ostean, ontzia atera, estalkia ireki, arraina erretiratu eta esnegain urtua eta gatz pixka bat erantsiko diogu gelditu den saltsari. Tapatu gabe egosiko dugu ondoren, beste 5 minutuz. Ondoren, labeari indar ertainean eragin eta beste 10 minutu gehiagoan egosiko dugu saltsa, esnegaina mantsoago murriztu eta gainezka egin ez dezan. Bitartean, maneaturiko legatz solomoak papurtu edo izpituko ditugu, azal kendu eta gero.

Krema eta tipulin saltsarekin batera ipiniko dugu legatz papurtua. Ongi nahasiko dugu guztia koilara batez. Tanta batzuk xerez isur ditzagun ondoren. Irabiagailuaren besoa sartuko dugu ondoren nahastura horretan: indar betean eragingo diogu, krema lodi bat lortu arte. Gatza emango diogu ondoren, behar izanez gero. Film paper batez estali eta hozkailuan edukiko dugu orea, pare bat orduan gutxienez, sendotu eta ogi txigortuetan igurtziko moduan egon arte.

Labeak ez badu plater birakaririk, garrantzitsua da pare bat minutuan behin laurdena iraultzea.

Errezeta ezin hobea da pate hau, arraina haurren askarian ere sartu ahal izateko. Ogitartekoa krema honetaz igurtzi eta xerra batzuk urdaiazpiko egosi sartu, eta oso emaitza ona izango dugu. Patea hobekiago hornitzeko, xerra batzuk izokin edo bakailao ketu erantsi ahal izango dizkiogu nahasturari irabiagailuan xehatu baino lehentxeago. Ketuaren kutsuak are goxoagotuko du patea.