Sukaldean

Errezeta

Itsasoko ura da egokiena itsaskia egosteko, itsasoko ur garbia jakina. Horrelakorik ez badugu, komenigarriena da ur gazi ugari irakitan jartzea (20 g gatz litro ur bakoitzeko) eta otarrainak hartan egostea. Ura irakiten hasten denean murgilduko dugu itsaskia. Hona hemen egoste-epeak:

500-600 g, 8 minutu
800-1.200 g, 10 minutu
1.500-1.800 g, 16 minutu

Egosi eta gero, xukatu eta egosi diren kazola berean ipiniko ditugu otarrainak, barru aldera eta ahuspez, isatsa kazolaren ertzean dutela, hoztu bitartean ez daitezen hustu eta barruan mamituriko zuku goxoak gorde ditzaten.