PASTA TXIRLEKIN

Osagaiak

  • Tipulin txiki bat, xehe-xehe egina
  • Baratxuri ale bat, txikitua
  • Oliba olio pixka bat
  • Ardo zuri pixka bat
  • Baso erdi bat ur
  • Arrozetarako txirlak, kilo bat
  • Perrexil xehatua
  • 600 g pasta, egosi berria, nahi dena (saltsa daramaten plater mota honetarako espagetiak edo tagliatelleak dira egokiak)
  • Esnegain likidoa, litro laurdena
  • Gurin puska eder bat
*Lau pertsonentzat

Errezeta


Txirlak marinelen eran ireki. Horretarako, kazola handi batean, oliotan, baratxuria eta tipulin xehe-xehea frijituko ditugu. Gero txirlak gehitu, baita ardo zuria eta ura ere, eta irakin dezala su bizi-bizian. Txirlak ireki ahala, atera egingo ditugu. Txirla guztiak kanpoan ditugula, loditu dadila pixka bat saltsa, eta perrexila eta esnegaina gehitu.

Bukatzeko, saltsa horretara bildu txirla guztiak (haragirik ez duten maskorrak kendu egin behar dira, toki handirik har ez dezaten) eta pasta egosi berria, gurinarekin batera. Zerbitzatu eta jan.



Iruzkinak

EDFVzr http://www.FyLitCl7Pf7kjQdDUOLQOuaxTXbj5iNG.com

xFdSpzNqp @ 2015-10-26 00:39:46

Zer iruditu? Ondo atera zaizu?