Sukaldean

Errezeta

Kendu zurtoina tomateei eta, kontu handiz, labana zorrotz batekin, azala kendu, fruitua bere mami gorriarekin geldi dadin. Azala bazterrera. Tomateari azala kenduz gero, askoz goxoagoa gelditzen da entsaladarako, zatitze hutsak baino lan gehixeago ematen badu ere.

Erdibitu, alde laua oholaren kontra jarri, eta xerra lodiak egin. Plater edo erretilu batean paratu. Gatza eman.

Gainean banatu gazta dadoak. Gatz pitin bat eman eta gobernatu sagardo-ozpinarekin eta oliba olio birjinarekin.

Gazta freskoa duten entsaladek oso ongi hartzen dituzte usain-belarrak: perrexila, albaraka edo oregano freskoa, gehiegi txikitu gabe eta gainetik banaturik. Bakoitzak nahi duena egin dezala.