TXITXIRIO ENTSALADA

Osagaiak

  • Txitxirio egosiak eta xukatuak, hiru kilo laurden
  • Txerri buru egosiaren bi xerra lodi-lodi, dadotan moztuak
  • 2 arrautza egosi, azala kenduta eta txikituak
  • Perrexil xehatua
  • Ozpin-pepinoak, txiki-txiki eginak, 2 eskutada
  • 2 koilarakada maionesa
  • Oliba olio birjina, 8 koilarakada
  • Sagardo-ozpina, 2 koilarakada
  • Gatza eta piperbeltz eho berria
 *Lau pertsonentzat

Errezeta


Gopor batean txitxirioak txerri buruarekin nahasi, eta arrautza egosiak, perrexila eta ozpin-pepinoak gehitu. Katilu batean gatza eta piperbeltza ozpinarekin nahasiko ditugu, eta oliba olioa gehituko diogu, pixkana, hari finean. Sardexkarekin jo. Maionesa ere erantsiko diogu. Ateratzen den saltsa txitxirioei bota eta ongi nahasiko dugu dena. Denbora-tarte batean hoztu daitezela, jan baino lehenago.



Zer iruditu? Ondo atera zaizu?


eusko jaurlaritza Gipuzkoa berria